غریبوں، بے سہاروں، مزدوروں اور سڑکوں پر آرام کرنے والے ضرورت مندوں تک سبیل حسین ٹرسٹ نے فراہم کیا کھانا

<p>دھنباد: سبیل حسین ٹرسٹ کی "ہفتہ میں تین دن کھانا کھلانے" کی مہم کئی سالوں سے انسانیت کی خدمت میں مصروف ہے۔ اس مہم کا مقصد غریبوں، بے سہاروں، مزدوروں اور سڑکوں پر آرام کرنے والے ضرورت مندوں کو کھانا فراہم کرنا ہے تاکہ ان کی بنیادی ضرورت پوری ہو سکے۔</p>
<p>اور آج بھی جمعہ کے روز، سبیل حسین ٹرسٹ کے کارکنان نے اپنی محنت اور عزم سے دھنباد اسٹیشن اور دیگر مقامات پر بھوکے اور بے سہارا افراد کو کھانا تقسیم کیا۔ خاص طور پر دھنباد اسٹیشن پر جہاں سینکڑوں لوگ سفر کر رہے تھے اور انہیں کھانے کی اشد ضرورت تھی، وہاں ٹرسٹ کے کارکنان نے پیدل چل کر کھانا پہنچایا تاکہ ان کی پریشانی کم ہو سکے۔</p>
<p>سبیل حسین ٹرسٹ کی اس مہم میں حصہ لینے والے افراد میں ٹرسٹ کے صدر مولانا عارف رضا قادری، محمد عرفان احمد (ٹیچر آف گورنمنٹ اسکول دھنباد )، حافظ محمد اکبر صاحب، محمد فیضان خان (سیکریٹری سبیل حسین ٹرسٹ)، محمد عاقب، محمد انور شفیع، حافظ حسن قادری اور دیگر افراد شامل تھے۔ ان کا مقصد صرف اور صرف یہ تھا کہ ان کی کوششوں سے کسی کا پیٹ بھر سکے اور ان کی زندگی میں تھوڑی سی راحت آ سکے۔</p>
<p>سبیل حسین ٹرسٹ کی یہ مہم صرف کھانے کی فراہمی تک محدود نہیں ہے، بلکہ اس کے ذریعے انسانیت کی خدمت اور ایک دوسرے کی مدد کرنے کا پیغام بھی دیا جا رہا ہے۔ یہ مہم ہمیں بتاتی ہے کہ انسانیت کی خدمت میں چھوٹے چھوٹے قدم بھی بڑے اثرات مرتب کرتے ہیں۔</p>
<p>سبیل حسین ٹرسٹ کے کارکنان کی محنت اور ایمان کی طاقت سے یہ مہم کامیابی کی راہوں پر گامزن ہے، اور ان کی یہ کوششیں ہمیں انسانیت کی قدر کرنے کا درس دیتی ہیں۔ اللہ تعالیٰ سبیل حسین ٹرسٹ کے تمام ارکان کی محنت کو قبول فرمائے اور ان کی یہ مہم جاری رکھے تاکہ زیادہ سے زیادہ ضرورت مندوں کی مدد کی جا سکے۔</p>
<p>شائع کردہ آفس سیکریٹری
محمد فیضان خان</p>